Í gæðaráði Siglingastofnunar eru:

Hermann Guðjónsson, 
Guðmundur Guðmundsson,
Jón Bernódusson  og 
Ómar Sveinsson

Gæðastjóri er Guðmundur Guðmundsson

Gæðastefna Siglingastofnunar Íslands

Það er stefna Siglingastofnunar Íslands að tryggja öryggi og velferð sjófarenda, ásamt því að koma í veg fyrir að hafið og auðlindir þess spillist af völdum mengunar frá skipum.

Stofnunin veitir viðskiptavinum sínum alhliða þjónustu og tryggir aðgang að upplýsingum og þekkingu sem eru á verksviði hennar með gæði að leiðarljósi.

Stofnunin og starfsmenn hennar munu leitast við að halda uppi réttum gæðum og tryggja að fyllsta hlutleysis sé gætt. Þannig verði mætt væntingum viðskiptavina og stjórnvalda.

Stofnunin mun kappkosta að hafa yfir að ráða hæfu starfsfólki og viðurkenndum aðföngum.

Stofnunin leggur áherslu á menntun og þjálfun starfsfólks til að viðhalda réttum gæðum og aukinni gæðavitund.

Stofnunin beitir sér fyrir því að starfsmenn sýni gott viðmót og veiti góða þjónustu.

Stofnunin stuðlar að því að aðgengi allra starfsmanna að almennum upplýsingum um reksturinn sé gott.

Forstjóri Siglingastofnunar Íslands er ábyrgur fyrir því að allir starfsmenn fyrirtækisins þekki og skilji gæðastefnuna og hafi hana að leiðarljósi í sínu starfi.

Síðast uppfært: 11.04.2002

© 2000, Siglingastofnun Íslands